All.: Toke Brødsgaard aamma aaqqissuisoqarfik
Sungiusarnerit pisoqartitsinerillu 3.000-it
Pikkori ukiut 30-t taakkua ingerlaneranni sungiusar- nernik pisoqartitsinernillu kisissaanngitsunik isuma- ginnittuusimavoq. Aaqqissuussisarnerit iluatsilluar- nerpaartaasa akornanniipput Kangnu, Pikkori Ultra Challengemik taaguuteqarluni aallartittoq, aamma Maaji Nuan, Maaji Peqqinnartuutigumik taaguute- qarluni aallartittoq. Morten Jørgenip Maaji Peqqin- nartuutigumik aaqqissuusseqataasarunnaartariaqa- lerneranut pissutaasoq tassaavoq ataqatigiissaarine- rup piffissamik atuiffiuallaarnera, tamatumalu pisi- niarfimmut eqquinera.
Allanit tamanit tunisaanerpaaq
Pisiniarfimmi pisiassarpassuaqarpoq, timersuutini niaqqumiit isikkanut tunngasunik. Nioqqutissarli ataaseq allanittamanit tunisaanerpaasimavoq. Taanna tassaavoq qaatigooq Arcteryx Atom LT, assigiinngitsunik qalipaateqartoq. Qaatigooq taan- naannaq Pikkori Sportimi piffissap ingerlanerani 3.000-it sinnerlugit amerlassusilinngorlugu tunine- qarsimavoq. Pisisullu tamangajalluinnarmik Pikkor- ip ilisarnaataa nipitittagaq pisiniarfimmi ilanngullu- gu pisiarineqarsinnaasoq qaatiguumut nipitinneqas- sasoq kissaatigisarsimavaat. Morten Jørgen ilisar- naatip Pikkorip inunnut taama amerlatigisunut ima pingaaruteqartigineranik allaat takoqqusaarutigiu- masinnaallugu nuannaarutiginnittorujussuuvoq.
Qaatigooq Arcteryx Atom LT Pikkori Sportimi tunisaanerpaavoq. Pikkori Sport qaatiguumik tamatuminnga 3.000-it sinnerlugit amerlassusilinnik tunisaqarsimavoq, taannalu Kalaallit Nunaanni silamiinnermi inuiattut atisatut Morten Jørgenip taagorpaa.
Misigisat annerpaat
Pikkorip oqaluttuarisaanerani suna pingaaruteqar- nerpaasimanersoq apeqqutigineqarmat Morten Jørgen Heilmannimut Nuummi inuit peqqinnartunik sammisaqarlutik eqeersimaarnerulersimanerannut aalajangiisuusumik sunniuteqarsinnaasimaneq tun- ngaviunerpaavoq. Soorunami aamma pisunik ataa- siakkaaqarpoq immikkoorutilinnik, soorlu Kunngis- saq Frederik Maaji Nuannimut takkummat Maajillu Peqqinnartuutinnissaanut atatillugu arpaatigaluni meerarpassuarnut inuusuttorpassuarnullu high five- mik ilassinnittarmat, tamatumali saniatigut pisartor- passuit Morten Jørgen Heilmannip immikkuullaris- sutut puiguikkiussimavai.
Pikkorip siunissaa
Pikkori Sportimi suli uummaarilluinnartumik inger- lasoqarpoq, suliniutinillu nutaanik pilersitsisoqar- tussaalluni, soorluttaaq susoqarneranik pisisartullu sunik piserusunnerannik piffissaq tamakkerlugu ma- linnaaviginnittoqartoq. Pingaartitat suli tassaassap- put ingerlatat peqqinnartut eqeersimaartumillu sila- miinneq. Morten Jørgen piffissap ingerlanerani aal- larnisaasunut arlalissuarnut aamma siunnersortaa- sarsimavoq, tamannalu siunissami ingerlatiinnarsin- naassallugu neriuutigalugu, inuusuttut peqataaler- sinnissaat Nuummilu eqeersimaarnermik pilersitsi- nissap qanoq pingaaruteqartiginera takusinnaaga- miuk.